................................................සුමිත් ලියන /ඔබ මට හිමි වේ නම්.........................................
01 කොටස
A/l පන්ති නැති නිසානින්ද යන්නේ නැති කමට
උදෙන්ම නැගිටලා මුහුද පැත්තට ගියා.. මුහුදත් එක්කම පාලුවට ගිහිල්ලා.. කම්මැලි නිසා රැල්ල
ටිකක් පාගන්න ගියා.. ඔන්න එතකොට කුමාරයා එනවා හතර වටේටම සිග්නල් දාගෙන..
"මොකද මල්ලි අද උදෙන්ම මුහුද පැත්තේ
මාලුවෙක්වත් මරන්න ආවද..”
"මචන් උබ එද්දී තරූ එහෙම දැක්කේ නැද්ද?ඌ මගේ ලගට අවේ ප්‍රශ්නාර්ථයකුත් දාගෙන ..”
“ඇයි බන් මම තරූ
දැක්කනම් මෙතනට වෙලා රැලි පාගනවද..මමත් තව ප්‍රශ්නයකින්ම උත්තර දුන්නා
හරි හරි බන් ඕකට
ඉතින් තද වෙන්න ඕනද ..වරෙන් යන්..”
මු මාවත් ඇදගෙන පාර
පැත්තට යන්න හැදුවා ...මමත් මුව තල්ලු කරලා ජිවිතේට නොදැක්ක සතෙක් දැක්කා වගේ
කුමාරයාගේ මුණ දිහා බැලුවා ..
“මොකද උබ හොද මස් කෑල්ලක්
දැක්කා වගේ මගේ මුණ දිහා බලන්නේ ?වරෙන් යන්න...”
බලපල්ලකො මුගේ කතාව
.හරියට මු මගේ තාත්තා වගේනේ.. ඒ මදිවට සද්දෙකුත් දාගෙන
“”උබ සේරටම කලින් කියපන්
කුමාරයා . උබ කොහෙද මේ මාව උගුලකට තියන්න යන හාවෙක් වගේ ඇදගෙන යන්නේ .. ”
“මචන් මම දැන් එද්දී
කඩේ මුදලාලි කතා කරලා කිව්වා උබවත් එක්කගෙන කඩේ පැත්තේ එන්න කියල.. ”
“ඒ මොකෝ බන්..?”
“මම උබට තරූ සෙට්
කරලා දුන්නා කියලා නඩුවක්වත් විබාග කරන්නද..?
අපරාදේ අද සමපෝෂ ගුලියක් කාලා එන්න තිබ්බේ .. ”
“මම එහෙම කිව්වේ සමපෝෂ වලට බුද්දිය ආවර්ජනය වෙනවා කියලා අහලා තියෙන නිසා..”
“එහෙම වෙන එකක් නැ
බන් අද මාමන්ඩියාගේ මුඩ් ඒක හොදයි වගේ..”
මු මට ඒ විදිහට
කිව්වට මුගේ කුකුල් මුණ දැන්මම පැත්තකට ඇද වෙලා ...
“සුමියා උබ ඉස්සර
වෙයන් මචන් ..”
මු කඩේ ලගදි මාව
ඉස්සරහට දැම්ම...ඌ තදයා වගේ ආවට කඩේ දැක්කම කකුල් දෙක හරියට තුන් මාසයක් කාල නැ
වගේ වෙවූලනවා..
“මුදලාලි මාමේ
කොහොමද..?”
අපි ඒක කිව්වේ
බොක්ෂින් ක්‍රීඩකයෝ තරග ආරම්බ කරද්දී දෙකට නැමිලා කිව්වා වගේ ....
“ආ..පුතාලා හොදයි
හොදයි...”
දියකිරටත් බළල්ලු
සාක්කියි කිව්වා වගේ මෙන්න මුදලාලිය පිස්සු කියවනවා හොර කොල්ලෝ කියලා කතා කරන
මුදලාලිය අද පුතාලාලු..
“එන
පොට නම් හොද නෑ කුමාර මේකා අපිව කඩේ යවන්නද කොහෙද හදන්නෙ..”
“මම පුතාලට එන්න
කිව්වෙ වැදගත් කාරණයක් ගැන කතා කරන්න.. මම හිතන් ඉන්නවා මගේ වියදමින් ඔයාලත් එකතු
කරන් මේ පාර ගමේ වෙසක් කූඩුවක් හදන්න.. සුමිත් පුදා වගකීම බාරගන්නවා නම් හොදයි..”
ඔන්න ඔහොමනෙ
තියෙන්න ඕන.. මුදලාලියා මේක මටම කිව්වෙ කාගෙත් හිත හොද වැඩක් හරියට කරන්න ගමේ
වැදගත් තරුණයා මම නිසා වෙන්න ඇති.. නිව්ස් එක නම් පට්ට.. කනට මී පැණි දැම්මා වගේ..
කුමාරයත් හිනාවක් දැම්මා කට පුරවලා.. හැබැයි මම දැක්කා මුදලාලි මාමා එහෙම කියනකොට
කුමාරයගෙ මූණ හරියට 100ට අරන් 10ට දුන්නා වගේ වෙනවා..
ඔය කොහොම උනත් ගමේ මොන ජරා වැඩේ
කරත් අපිට වගකීමකින් වැඩක් බාර කලොත් එලටම කරනවා කියලා ගමේ අයත්, මුදලාලිත් හොදට
දන්නවා.. ඒකයි අපිටම වැඩේ පංගාත්තු කලේ..
මුදලාලියගෙ පිත් අතේ වැඩේ අහලා අපි
අපේ සොදුරු නවාතැනට ගියා.. ඒ වෙනකොට එතනට ගමේ කොල්ලො සෙට් එකම ඇවිල්ලා හිටියා..
හැමදාම වගේ කුමාරයා වැඩ්ඩා වගේ ගිහින් සභාව අමතන්න පටන්ගත්තා..
“ලොවෙත්
නෑ.. ලොවි ගහෙත් නෑ මචංලා.. අසව්! අසව්!..”
මූ යට ගිරියෙන් කෑ ගැහුවෙ සිරි
මාමා මූට කොස්සක් අරන් පන්නගෙන එනවා වගේ.. අසව්! අසව්! කියද්දිම කොල්ලො සෙට්
එක ඇවිත් කුමාරයව වටකර ගත්තා..
“මෙවර
වෙසක් උත්සවය නිමිත්තෙන් කඩේ හොර මුදලාලියා විසින් කැරකෙන වෙසක් කූඩුවක් නිර්මාණය
කිරීම සදහා මා හට බලතල පවරන ලදී.. ”
මේකා මේ හොර මුදලාලියා කිව්වෙ දැන්
මුදලාලි මාමෙ කියලා කට ඇරලා කියපු මනුස්සයට නේද.. තූ තෝ.. ඒක පැත්තකින් තියමුකො..
බලපල්ලකො මූ කියපු බොරුව.. මූටලු සියලු බලතල පැවරුවෙ.. මගේ කට කන්න එපැයි
ඉතිං.. කුමාරයට තේරුණා මට කේන්ති ගියා කියලා.. ඌ හෙමීට සද්දෙ පොඩ්ඩක් අඩු කලා..
“සමාවෙයල්ලා..
මට නෙමෙයි ඈ.. අපේ කොල්ලො සෙට් එකටම පවරන ලදී.. ”
එහෙම කියලා කටක් ගන්න ලැබුනෙ නෑ..
මෙන්න කොල්ලො ටික මෙතන දහඅට සන්නිය නටන්න පටන්ගත්තා..
එදා අපි ගෙවල් බලා සක්මන් කලේ
දහසකුත් බලාපොරොත්තු හිතේ තියාගෙන.. මොකද අපි කරන්න යන පලවෙනිම හොද වැඩේනෙ.. මොන
කරදර ආවත් අපේ සෙට් එක මේකට සෙට් වෙනවා කියලා මගේ හිතේ ලොකු බලාපොරොත්තුවක්
ඇතිවුණා.. ඒ වෙන මොකවත් නිසා නෙමෙයි හොද මාටිය පාරකුත් දෙන්න පුලුවන් නිසා.. කතා කරගත්තු විදියට අපි අපේ වැඩේට බැස්සා..
කුමාරයා, ජයන්ත, දමියා, බොක්කෙන්ම ගේමට බැහැලා වැඩේ ටොප් එකටම කරා.. අපි හිතුවටත්
වඩා වෙසක් කූඩුව ලස්සනට නිර්මාණය කරන්න අපිට පුළුවන් වුණා..
දවස් ටික ගෙවිලා ගියේ ඇගටවත්
නොදැනි A/l ක්ලාස්
පටන් ගන්නත් දවස් ළග ළගම එනවා.. වෙසක් කූඩුව හැදුවට පස්සෙ ගමේ කට්ටියගෙන් බුදු
සැලකිලි.. අනේ හැමදාම වෙසක් තියෙනවා
නම් කියලා මට නිකමට වගේ හිතුනා.. වෙසක්
කූඩුව හැදුවට පස්සෙ එළියටවත් බහින්න බැරිවුණා.. ඒ තරමටම ඇගට අමාරුයි.. කාපු කට්ට
තාම මතක් වෙනවා..
“සුමියෝ...
සුමියෝ.. සුමියෝ..”
සංසාරේ බවේ දුකා.. මේ කුමාරයා නේද
යකෝ මොර දෙන්නෙ..? නිදහසේ ටිකක් ඇලට් එකක් දාන්න හදනකොටම මේකා කඩාපාත් වෙනවනෙ..
ෂික්..!
බල්ලා පනීවි තාප්පෙට උඩින්
කිව්වලු.. මූ ආවෙ ඇයි කියලවත් අමතක වුණා මූව දැක්ක පාර මට.. රීබෝන් ටී-ෂර්ට්
එකකුත් දාගෙන, බෙකම් වගේ කොන්ඩෙ පීරලා.. අඩිඩාස් ඩෙක්ෂුස් දෙකක් දාලා.. මූ පන්සලේ
පින් කැටේවත් කැඩුවද කියලා මට ඒ වෙලාවෙ හිතුනා..
“මොකෝ
බොල මහසෝනා දැක්කා වගේ මගේ දිහා බලන්නෙ.. මං නිකන් රිතික් රෝෂන් වගේ නේද සුමියො..”
මේකා කටු බොඩිය පොඩ්ඩක් එහාට මෙහාට
කරලා කිව්වා.. අනේ මුගේ බොඩිය..
“ආයෙ
පිස්සුවක් ඇතෑ.. එකෙන්ම උඹ රිතික් රෝෂන්ගෙ.. නෑ නෑ ඒවා ඕන නෑ.. මුලින්ම කියපන්
මොකෝ උඹ කිට මරලා මේ පැත්තට බැස්සෙ කියලා..?”
“නෑ
බං සුමියා.. අද මට හිතුනා තරූ බලන්න උමත් එක්ක මගේ හයිබ්‍රිඩ් එකෙන් යන්න..”
මේකා මේ හයිබ්‍රිඩ් එක කියලා
කිව්වෙ මුගේ මේ කුටු කුටු යන්තරේට.. නැත්නම් මේකට කොහෙද හයිබ්‍රිඩ්..
“අර
මොකටෙයි උඹ මාවත් ඇදගෙන යන්නෙ..? යකෝ තමන්ගෙ කෙල්ල බලන්න එක එකා එක්ක එහෙම යනවද..?”
“පිස්සුද
සුමියො.. උඹ මගේ හොදම ෆිට් එක.. ඒකි දන්නවා උඹ ගැන.. මම උඹ මොන වගේ එකෙක්ද කියලා
ඒකිට කියලා තියෙන්නෙ.. වරෙන් වරෙන් ඇදුමක් දාගෙන..”
අම්මද බොල.. මේකා මගේ ගැන මොනවා
කියලද දන්නෑ ඒකිට.. මොකෝ ඉතින් මම මේ ජීවිත කාලෙටම හොද වැඩකට කියලා කලේ අර වෙසක්
කූඩුව හැදුව එක විතරනෙ.. ඒකෙනුත් මාටිය පාරක් ගැහුවානෙ..
.........................මතුසම්බන්දයි ................................
0 comments:
Post a Comment